AFFA bu gün Rumıniyanın paytaxtı Buxarestdəki ROMEXPO sərgi və konsert kompleksində keçiriləcək AVRO-2020-nin final mərhələsinin püşkatma mərasimində geniş heyətlə təmsil olunacaq.
Sportnet.az-ın məlumatına görə, bu, Bakının da 12 təşkilatçı şəhər arasında olması ilə əlaqədardır. Nümayəndə heyətində AFFA-nın prezidenti Rövnəq Abdullayev, vitse-prezident Elşad Nəsirov, baş katib Elxan Məmmədov, Avro-2020-nin final mərhələsinin Bakıda keçiriləcək oyunları üzrə Əməliyyat Qrupunun layihə koordinatoru Kamran Vəliyev, AFFA-nın Beynəlxalq Əlaqələr Şöbəsinin müdiri Könül Mehtiyeva və Bakı Olimpiya Stadionunun direktoru Cavid Qarayev yer alıb.
Mərasim Bakı vaxtı ilə saat 21:00-da başlayacaq.
