Azərbaycan Premyer Liqasında III tura yekun vurulub.
Sportnet.az-ın məlumatına görə, turun son oyununda "Qarabağ" "Azərsun Arena"da "Neftçi"bu qəbul edib. Azərbaycan derbisi qonaqların 2:1 hesablı əzmkar qələbəsi ilə yekunlaşıb.
Hesabı 10-cu dəqiqədə Ağdam klubunun hücumçusu Kvabena Ovusu açıb. Cəmi 2 dəqiqə sonra "Neftçi" Voislav Stankoviçin qolu ilə tarazlığı bərpa edib. Qol zamanı "Qarabağ"ın qapıçısı Emil Balayevin kobud səhvi diqqət çəkib. Komandalar fasiləyə bu hesabla yollanıblar - 1:1.
İkinci hissədə "ağ-qaralar" daha bir qol vurublar. 68-ci dəqiqədə Balayevlə üzbəüz dueldən qalib ayrılan Namiq Ələsgərov topu boş qapıya göndərib və yekun hesabı müəyyənləşdirib.
Səfər qələbəsindən sonra xallarını 6-ya çatdıran "Neftçi" 3-cü pilləyə yüksəlib. 4 xalı olan "Qarabağ" isə 5-ci sıraya geriləyib.
Qeyd edək ki, tura sentyabrın 19-da start verilib. "Qəbələ" evdə "Keşlə" ilə qolsuz heç-heçə edib. "Sumqayıt" doğma meydanda "Səbail"ə 2:1 hesabı ilə qalib gəlib. Bu gün isə "Sabah" səfərdə "Zirə"ni yenib - 2:0.
----------------------
Azərbaycan Premyer Liqasında III turun daha bir oyunu keçirilib.
Sportnet.az-ın məlumatına görə, "Zirə" doğma meydanda "Sabah"ı qəbul edib.
Zirə İdman Kompleksinin stadionundakı qarşılaşma qonaq komandanın 2:0 hesablı qələbəsi ilə yekunlaşıb. "Sabah"ın heyətində Xulio Sezar Rodrigez 51-ci dəqiqədə fərqlənib. 90+2-ci dəqiqədə isə Kevin Kubemba fərqi artırıb.
Bu nəticədən sonra "Sabah" 6-cı xalını qazanıb, cari mövsüm ilk dəfə məğlub olan "Zirə"nin isə 4 xalı var.
Qeyd edək ki, tura bu gün keçiriləcək "Qarabağ" - "Neftçi" matçı ilə yekun vurulacaq. Turun əvvəlki matçlarında "Sumqayıt" evdə "Səbail"i 2:1 hesabı ilə üstələyib, "Qəbələ" - "Keşlə" duelində qol vurulmayıb.
----------------------------
Bu gün Azərbaycan Premyer Liqasında III turun son 2 görüşü keçiriləcək.
Sportnet.az xəbər verir ki, günün ilk matçında "Zirə" "Sabah"ı qəbul edəcək.
Meydan sahibləri 2 tura 4 xal toplayıbsa, "Sabah"ın 3 xalı var. Komandalar çempionatda 7 dəfə üz-üzə gəlib. Bunların 2-də "Zirə", 3-də isə "Sabah" qələbə qazanıb. Topların fərqi isə bərabərdir - 7:7. "Zirə” rəqibinə qarşı son 4 oyunda meydanı qolsuz və xalsız tərk etməyib.
Günün əsas matçında Azərbaycan derbisi gerçəkləşəcək. Son ölkə çempionu "Qarabağ" "Neftçi"ni qəbul edəcək. Bu, komandaların çempionatda 80-ci dueli olacaq. 29 görüşdə Ağdam təmsilçisi, 20-də isə flaqman meydanı 3 xalla tərk edib. 30 qarşılaşmada isə qalib müəyyənləşməyib. Topların fərqində də "Qarabağ"ın üstünlüyü var - 84:71. Ağdam klubu son üç Premyer Liqa matçında "Neftçi"dən qol buraxmır, paytaxt təmsilçisi isə 5 matçdır rəqibini məğlub edə bilmir.
Hazırda "Qarabağ" 4 xalla 3-cü, "Neftçi" 3 xalla 6-cıdır.
Azərbaycan Premyer Liqası
III tur
20 sentyabr (bazar)
18:00. “Zirə”– “Sabah” - 0:2
Qolar: Xulio Sezar Rodrigez, 51, Kevin Kubemba, 90+2
Hakimlər: İnqilab Məmmədov, Namiq Hüseynov, Nahid Əliyev, Nicat İsmayıllı
Hakim-inspektor: Feyzulla Feyzullayev
AFFA nümayəndəsi: Eldəniz Musayev
Zirə İdman Kompleksinin stadionu
20:15. “Qarabağ” – “Neftçi” - 1:2
Qollar: Ovusu Kvabena, 10 - Voislav Stankoviç, 12
Hakimlər: Əliyar Ağayev, Zeynal Zeynalov, Akif Əmirəli, Rauf Cabarov
Hakim-inspektor: Ömər Paşayev
AFFA nümayəndəsi: Ramiz Mustafayev
“Azersun Arena”
Qeyd edək ki, turun digər matçında "Sumqayıt" evdə "Səbail"i 2:1 hesabı ilə üstələyib, "Qəbələ" - "Keşlə" matçında qol vurulmayıb.
