"Bu, mürəkkəb oyunda möhtəşəm qələbə idi".
Sportnet.az-ın məlumatına görə, bu fikirləri 21 yaşadək futbolçulardan ibarət İsveçrə millisinin baş məşqçisi Mauro Lustrinelli evdə Azərbaycan yığmasına 2:1 hesabı ilə qalib gəldikləri Avropa çempionatının seçmə matçından sonra deyib.
44 yaşlı mütəxəssis geriyə düşdükləri oyundan sonra oynamağın asan olmadığını bildirib: "Rəqib bizə oynamaq imkanı vermirdi. Ancaq sona qədər özümüzə inandıq. Düşünürəm ki, bu nəticə axıradək qələbəyə inanan möhtəşəm komanda olduğumuz üçün meydana gəldi".
Lustrinelli Azərbaycan yığmasına qarşı ən yaxşı oyunlarını sərgiləyə bilmədiklərini söyləyib: "İradə, sona qədər hər şeyi vermək və oyunu qazanmaq əzmi inanılmazdır. Bunlara görə qələbə qazandıq".
