UEFA Çempionlar Liqasında qrup mərhələsinə yekun vurulub.
Sportnet.az-ın məlumatına görə, ikinci oyun günündə keçirilən 8 qarşılaşmadan sonra pley-offun son 4 iştirakçısı müəyyənləşib.
İtaliya "Atalanta"sından sonra İspaniyanın "Atletiko", "Real Madrid" və Almaniyanın "Borussiya" (Mönxenqladbax) klubları 1/8 finala vəsiqə qazanıblar.
Qruplarında 3-cü yeri tutan komandalar isə mübarizəni Avropa Liqasının 1/16 final mərhələsində davam etdirəcəklər.
-----------------------------------------------------------------
UEFA Çempionlar Liqasında 1/8 final mərhələsinə yüksələn daha bir komandanın adına aydınlıq gəlib.
Sportnet.az-ın məlumatına görə, qrup mərhələsinin VI turunda Niderlandda "Ayaks"a 1:0 hesabı ilə qalib gələn İtaliya "Atalanta"sı adını pley-offa yazdırıb. Matçın 79-cu dəqiqəsində meydan sahiblərinin heyətində Rayan Qravenberx ikinci sarı vərəqəni alaraq, meydandan qovulub. Görüşdəki yeganə qolun müəllifi isə 85-ci dəqiqədə fərqlənən Luis Muryel olub.
D qrupunun digər oyununda isə İngiltərənin "Liverpul" klubu Danimarkada "Midtüllan"ın müqavimətini qıra bilməyib - 1:1.
---------------------------------------------------------------------
UEFA Çempionlar Liqasının qrup mərhələsinin VI turunda daha bir oyun keçirilib.
Sportnet.az-ın məlumatına görə, H qrupunda ötən gün təxirə salınmış PSJ (Fransa) - "Başakşehir" (Türkiyə) görüşü baş tutub.
Matçın 4-cü hakimi Sebastian Koltseskunun qonaq komandanın məşqçisi Pyer Veboya qarşı irqçi ifadələr işlətməsi səbəbindən 14-cü dəqiqədə yarımçıq dayandırılan qarşılaşma bu gün qaldığı yerdən davam etdirilib.
Oyun meydan sahiblərinin 5:1 hesablı qələbəsi ilə başa çatıb. Matçda ilk qol 21-ci dəqiqədə vurulub. Paris klubunun hücumçusu Neymar fərqlənib. Braziliyalı futbolçu 17 dəqiqə sonra dubl edib. 42-ci dəqiqədə Kilian Mbappe penaltidən fərqlənməklə, fərqi 3 topa çatdırıb. İlk hissə bu hesabla başa çatıb. 50-ci dəqiqədə Neymar het-trikini rəsmiləşdirib. 7 dəqiqə sonra "Başakşehir" Mehmet Topalın qolu ilə fərqi azaltsa da, 62-ci dəqiqədə Mbappe 5-ci topu İstanbul təmsilçisinin qapısından keçirib.
Qeyd edək ki, bu nəticədən sonra xallarının sayını 12-yə çatdıran PSJ 1/8 final mərhələsinə qrup lideri kimi adlayıb. Aktivində 3 xalı olan "Başakşehir" isə sonuncu pillədə qalıb. H qrupundan PSJ ilə yanaşı, Almaniya "Leyptsiq"i də pley-offa yüksəlib. İngiltərənin "Mançester Yunayted" komandası isə mübarizəni Avropa Liqasının 1/16 final mərhələsində davam etdirəcək.
-------------------------------------------------------------
Bu gün UEFA Çempionlar Liqasında qrup mərhələsinə yekun vurulacaq.
Sportnet.az-ın məlumatına görə, A, B, C və D qruplarındakı matçlardan sonra 1/8 finala son 4 vəsiqənin sahibi müəyyənləşəcək.
A qrupunda İspaniya "Atletiko"si Avstriyada "Zaltsburq"la qarşılaşacaq. Növbəti mərhələ üçün qonaqlara heç-heçə də kifayət edəcək. Digər oyunda isə Almaniya "Bavariya"sı Rusiyanın "Lokomotiv" (Moskva) komandasını qəbul edəcək.
B qrupunda İtaliya "İnter"i evdə Ukraynanın "Şaxtyor" (Donetsk) klubu, İspaniya "Real Madrid"i isə Almaniyanın "Borussiya" (Mönxenqladbax) kollektivi ilə münasibətlərinə aydınlıq gətirəcək. Bu qrupda 4 komandadan hər birinin 1/8 finala adlamaq şansı davam edir.
C qrupunda ilk 2 yerin sahibi məlum olduğundan əsas mübarizə Avropa Liqasına vəsiqə uğrunda gedəcək.
D qrupunda isə İngiltərə "Liverpul"undan sonra növbəti mərhələyə yüksələcək digər komandanın adına "Ayaks" (Niderland) - "Atalanta" (İtaliya) görüşü aydınlıq gətirəcək.
H qrupunda isə təxirə salınmış PSJ (Fransa) - "Başakşehir" (Türkiyə) oyunu keçiriləcək. Ötən gün baş tutmalı olan qarşılaşma 4-cü hakim Sebastian Koltseskunun qonaq komandanın məşqçisi Pyer Veboya qarşı irqçi ifadələr işlətməsi səbəbindən 14-cü dəqiqədə yarımçıq dayandırılıb. Görüş bu gün Bakı vaxtı ilə saat 21:55-də qaldığı yerdən davam etdiriləcək. Bu qrupda Almaniya "Leyptsiq"i ilə PSJ 1/8 finala vəsiqə əldə edib. İngiltərənin "Mançester Yunayted" klubu isə mübarizəni Avropa Liqasının 1/16 final mərhələsində davam etdirəcək.
Çempionlar Liqası
Qrup mərhələsi, VI tur
A qrupu
00:00. "Bavariya" (Almaniya) - "Lokomotiv" (Moskva, Rusiya) - 2:0
Qollar: Niklas Süle, 63, Erik Şupo-Motinq, 80
00:00. "Zaltsburq" (Avstriya) - "Atletiko" (İspaniya) - 0:2
Qollar: Mario Ermoso, 39, Yannik Karrasko, 86
Xal durumu: "Bavariya" - 16, "Atletiko" - 9, "Zaltsburq" - 4, "Lokomotiv" M - 3.
B qrupu
00:00. "İnter" (İtaliya) - "Şaxtyor" (Donetsk, Ukrayna) - 0:0
00:00. "Real Madrid" (İspaniya) - "Borussiya" (Mönxenqladbax, Almaniya) - 2:0
Qollar: Kərim Benzema, 9, 32
Xal durumu: "Real Madrid" - 10, "Borussiya" M - 8, "Şaxtyor" D - 8, "İnter" - 6.
C qrupu
00:00. "Olimpiakos" (Yunanıstan) - "Portu" (Portuqaliya) - 0:2
Qollar: Otavio, 10 (penalti), Mateus Uribe, 77
Qırmızı vərəqə: Ruben Semedu ("Olimpiakos"), 79
00:00. "Mançester Siti" (İngiltərə) - "Marsel" (Fransa) - 3:0
Qollar: Ferran Torres, 48, Serxio Aquero, 77, Rahim Sterlinq, 90
Xal durumu: "Mançester Siti" - 16, "Portu" - 13, "Olimpiakos" - 3, "Marsel" - 3.
D qrupu
21:55. "Ayaks" (Niderland) - "Atalanta" (İtaliya) - 0:1
Qol: Luis Muryel, 85
Qırmızı vərəqə: Rayan Qravenberx ("Ayaks"), 79
21:55. "Midtüllan" (Danimarka) - "Liverpul" (İngiltərə) - 1:1
Qollar: Aleksandr Şolts, 62 (penalti) - Məhəmməd Salah, 2
Xal durumu: "Liverpul" - 13, "Atalanta"- 11, "Ayaks" - 7, "Midtüllan" - 2.
H qrupu
21:55. "PSJ" (Fransa) - "Başakşehir" (Türkiyə) - 5:1
Qollar: Neymar, 21, 38, 50, Kilian Mbappe, 42 (penalti), 62 - Mehmet Topal, 57
Xal durumu: PSJ - 12, "Leyptsiq" - 12, "Mançester Yunayted" - 9, "Başakşehir" - 3.
Qeyd edək ki, daha əvvəl İngiltərənin "Çelsi", "Mançester Siti", "Liverpul", İspaniyanın "Sevilya", "Barselona", Almaniyanın "Bavariya", "Borussiya" (Dortmund), "Leyptsiq", İtaliyanın "Yuventus", "Latsio", Portuqaliyanın "Portu" və Fransanın PSJ klubları 1/8 finala vəsiqə qazanıblar.
Çempionlar Liqasında 1/8 final mərhələsinin püşkü dekabrın 14-də atılacaq.
