Bu gün UEFA Çempionlar Liqasında 1/8 final mərhələsinin daha iki oyunu keçirilib.
Sportnet.az-ın məlumatına görə, Portuqaliyada "Portu" ilə qarşılaşan İtaliya "Yuventus"u gözlənilmədən uduzub - 1:2. Meydan sahiblərinin heyətində 2-ci dəqiqədə Mehdi Taremi, 46-cı dəqiqədə Mussa Mareqa fərqləniblər. Turin klubunun yeganə qoluna isə 82-ci dəqiqə Federiko Kyeza imza atıb.
Gecənin digər matçında Almaniyanın "Borussiya" (Dortmund) klubu İspaniyada Avropa Liqasının son qalibi "Sevilya"nı 3:2 hesabı ilə məğlub edib. Görüşdə hesabı 7-ci dəqiqədə Susonun qolu ilə meydan sahibləri açıblar. Daha sonra qonaqların heyətində Erlinq Holann het-trik edib. 21 yaşlı norveçlı hücumçu 19, 27 və 43-cü dəqiqələrdə rəqibi cəzalandırıb. Qarşılaşmada son nöqtəni isə 84-cü dəqiqədə La Liqa klubunun forvardı Lük de Yonq qoyub.
Bu komandalar arasında cavab matçları martın 9-da keçiriləcək.
Qeyd edək ki, 1/8 final mərhələsinin ilk oyun günündə Fransa PSJ-si səfərdə İspaniya "Barselona"sını 4:1, İngiltərə "Liverpul"u isə Almaniya "Leyptsiq"ini 2:0 hesabı ilə məğlubiyyətə uğradıb.
---------------------------------------------
Bu gün UEFA Çempionlar Liqasında 1/8 final mərhələsinin daha iki oyunu keçiriləcək. Sportnet.az-ın məlumatına görə, hər iki qarşılaşma eyni saatda start götürəcək.
İtaliyanın "Yuventus" klubu Portuqaliyada "Portu" ilə qarşılaşacaq. Qonaqların heyətində Xuan Kuadrado və Arturla yanaşı, Leonardo Bonucci və Paulo Dibala da zədəli olduqları üçün oynaya bilməyəcək. Meydan sahiblərindən isə Məhəmməd Mbaye və Nanu eyni səbəbdən matçı buraxacaq.
Gecənin digər görüşü İspaniyada baş tutacaq. Almaniyanın "Borussiya" (Dortmund) komandası Avropa Liqasının son qalibi "Sevilya"nın qonağı olacaq. Vacib oyun öncəsi Dortmund təmsilçisində Lukaş Pişşek və Dan-Aksel Zaqadu meydana çıxa bilməyəcək. La Liqa komandasında isə Markos Akunya və Lukas Okampos forma geyinməyəcək.
Çempionlar Liqası
1/8 final mərhələsi, ilk oyunlar
17 fevral
24:00. "Portu" (Portuqaliya) - "Yuventus" (İtaliya) - 2:1
Qollar: Mehdi Taremi, 2, Mussa Mareqa, 46 - Federiko Kyeza, 82
24:00. "Sevilya" (İspaniya) - "Borussiya" Dortmund (Almaniya) - 2:3
Qollar: Suso, 7, Lük de Yonq, 84 - Erlinq Holann, 19, 27, 43
Qeyd edək ki, bu komandalar arasında cavab matçları martın 9-da keçiriləcək.
1/8 final mərhələsinin ilk oyun günündə Fransa PSJ-si səfərdə İspaniya "Barselona"sını 4:1, İngiltərə "Liverpul"u isə Almaniya "Leyptsiq"ini 2:0 hesabı ilə məğlubiyyətə uğradıb.
