Azərbaycan Premyer Liqasında XVI turun daha bir oyunu keçirilib.
Sportnet.az-ın məlumatına görə, "Qarabağ" Sumqayıtda eyniadlı komanda ilə qarşılaşıb. Görüş qolsuz heç-heçə ilə başa çatıb.
Bu nəticədən sonra xallarını 30-a çatdıran Ağdam klubu "Neftçi" ilə 1 - 2-ci yerləri bölüşdürür. Ötən tur "Qarabağ" məhz flaqmana uduzaraq, liderliyi əldən vermişdi. "Sumqayıt" isə 23 xalla 4-cü sırada qalıb.
Günün ilk matçında "Səbail" evdə "Sabah"ı 2:0 hesabı ilə yenib.
Qeyd edək ki, tura fevralın 20-də oynanılacaq "Keşlə" - "Zirə" və "Neftçi" - "Qəbələ" görüşləri ilə yekun vurulacaq.
------------------------
Azərbaycan Premyer Liqasında XVI tura start verilib.
Sportnet.az xəbər verir ki, turun açılış matçında "Səbail" "Sabah"ı qəbul edib.
"ASCO Arena"dakı qarşılaşma meydan sahiblərinin 2:0 hesablı qələbəsi ilə yekunlaşıb. "Səbail" heyətində Amil Yunanov 16 və 77-ci dəqiqədə fərqlənib.
Bu qələbədən sonra "dənizçilər" 16-cı xalını qazanıb və 6-cı pilləyə yüksəlib. 14 xalı olan "Sabah" isə 7-ci sıraya düşüb.
Qeyd edək ki, günün digər matçında "Sumqayıt" son ölkə çempionu "Qarabağ"ı qəbul edəcək. Tura fevralın 20-də "Keşlə" - "Zirə" və "Neftçi" - "Qəbələ" matçları ilə yekun vurulacaq.
------------------------------------------
Bu gün Azərbaycan Premyer Liqasında XVI turun görüşləri keçiriləcək.
Sportnet.az-ın məlumatına görə, ilk oyun günündə 2 qarşılaşma baş tutacaq.
Günün ilk matçında 13 xalla 7-ci pillədə qərarlaşan "Səbail" "ASCO Arena"da özündən 1 xal çox toplayan və 6-cı sırada yer alan "Sabah"la üz-üzə gələcək. Bunadək ölkə çempionatında 9 dəfə qarşılaşan komandaların duelində "dənizçilər" 3, Masazır təmsilçisi 4 qələbə qazanıb, 2 görüş heç-heçə başa çatıb. Topların fərqi də "Sabah"ın xeyrinədir - 12:10. Son üç görüşdə qonaq komanda qalib gəlməyib. “Səbail” son üç ev oyununda qol vurub.
Digər oyunda "Qarabağ" "Sumqayıt"ın qonağı olacaq. Hazırda Ağdam klubu 29 xalla 2-ci, "gənclik şəhəri" təmsilçisi isə 22 xalla 4-cüdür. Bu görüş komandaların Premyer Liqada 34-cü dueli olacaq. İndiyədək baş tutan matçların 24-də qonaqlar, 5-də meydan sahibləri seviniblər. 4 qarşılaşmada isə qalib müəyyənləşməyib.
Bu oyunlarda "köhlən atlar" 73 qol vurublar. Ayxan Abbasovun başçılıq etdiyi kollektiv isə 17 dəfə fərqlənib. "Qarabağ" ardıcıl 20 oyunda meydanı qol vurmadan tərk etməyib. "Sumqayıt" son iki ev matçında uduzmayıb.
Azərbaycan Premyer Liqası
XVI tur
16:00. "Səbail" - "Sabah" - 2:0
Qollar: Amil Yunanov, 16. 77
Bakı, "ASCO Arena".
18:00. "Sumqayıt" - "Qarabağ" - 0:0
Sumqayıt. "Kapital Bank Arena".
Qeyd edək ki, tura fevralın 20-də "Keşlə" - "Zirə" və "Neftçi" - "Qəbələ" matçları ilə yekun vurulacaq.
