Futbol üzrə Azərbaycan Premyer Liqasında XVIII turun daha bir oyunu keçirilib.
Sportnet.az-ın məlumatına görə, günün ikinci matçında "Neftçi" "Səbail"i qəbul edib.
"Bakcell Arena"dakı qarşılaşma "ağ-qaralar"ın 2:0 hesablı qələbəsi ilə yekunlaşıb.
"Neftçi"nin ilk qolunu 73-cü dəqiqədə Tiaqo Bezerra, ikinci qolunu isə 79-cu dəqiqədə Azər Salahlı vurub.
Qələbə sayəsində xallarının sayını 31-a çatdıran son ölkə çempionu 4-cü pillədə qərarlaşıb. "Səbail" isə 11 xalla sonuncu yerdədir.
Qeyd edək ki, günün ilk görüşündə "Zirə" "Sumqayıt"ı 1:0 hesabı ilə üstələyib. Tura martın 6-da oynanılacaq "Keşlə" - "Sabah" və "Qarabağ" - "Qəbələ" matçları ilə yekun vurulacaq.
____________________________
Futbol üzrə Azərbaycan Premyer Liqasında XVIII tura start verilib.
Sportnet.az-ın məlumatına görə, açılış matçında "Zirə" klubu "Sumqayıt"ı qəbul edib. Zirə İdman Kompleksinin stadionunda keçirilən qarşılaşma meydan sahiblərinin 1:0 hesablı qələbəsi ilə başa çatıb. "Qartallar"ın heyətində yeganə qolu 65-ci dəqiqədə Mohamed Hamdaui vurub.
Bu qələbədən sonra xallarını 34-ə çatdıran "Zirə" turnir cədvəlində 2-ci pilləyə yüksəlib. 13 xalı olan "Sumqayıt" isə yeddinci pillədə qalıb.
Qeyd edək ki, günün digər oyununda "Neftçi" "Bakcell Arena"da "Səbail"lə qarşılaşacaq. Tura martın 6-da oynanılacaq "Keşlə" - "Sabah" və "Qarabağ" - "Qəbələ" matçları ilə yekun vurulacaq.
-----------------------------------
Bu gün Azərbaycan Premyer Liqasında XVIII tura start veriləcək.
Sportnet.az-ın məlumatına görə, ilk oyun günündə iki qarşılaşma keçiriləcək.
Günün ilk görüşündə "Zirə" "Sumqayıt"ı qəbul edəcək. Hazırda "qartallar" 31 xalla 3-cü, "gənclik şəhəri" təmsilçisi 13 xalla 7-ci pillədə qərarlaşıb.
Komandalar Premyer Liqada 25 dəfə üz-üzə gəliblər. Bunların 12-də meydan sahibləri, 6-da qonaqlar meydanı üç xalla tərk ediblər. Topların nisbətində də "Zirə" üstündür - 33:21. Paytaxt klubu son 5 oyunda rəqibinə uduzmayıb. “Sumqayıt” isə son 4 qarşılaşmada qol vura bilməyib.
Günün ikinci matçında son çempion "Neftçi" "Səbail"lə qarşılaşacaq. Görüş öncəsi "ağ-qaralar" 28 xalla 4-cü, "dənizçilər" 11 xalla sonuncu - 8-ci yerdədir. Paytaxt təmsilçiləri çempionatda 17 dəfə qarşılaşıblar. 12 dəfə meydan sahiblər, 2 dəfə qonaqlar qələbə qazanıb. Topların nisbətində də "Neftçi"nin aşkar üstünlüyü var - 38:11.
Bu oyunlarda meydan sahiblərindən "Neftçi" qalib gəldiyi halda, "Zirə" uduzsa, 3-cü pilləni şəxsi matçlardakı üstünlüyünə görə "ağ-qaralar" ələ keçirəcək. Qonaqlara gəldikdə, "Səbail" qələbə qazanacağı, "Sumqayıt" isə məğlub olacağı təqdirdə, "dənizçilər" sonuncu pillədən qurtulacaq və hazırkı yerini "gənclik şəhəri" təmsilçisinə ötürəcək.
Azərbaycan Premyer Liqası, XVIII tur
5 mart (şənbə)
17:00. “Zirə” – “Sumqayıt” - 1:0
Qol: Mohamed Hamdaui, 65
Hakimlər: Rauf Allahverdiyev, Cavanşir Yusifov, Müslüm Əliyev, Əliyar Ağayev
Hakim-inspektor: Ramil Diniyev
AFFA nümayəndəsi: Bəhram Qurbanov
Zirə İdman Kompleksinin stadionu
19:15. “Neftçi” – “Səbail” - 2:0
Qol: Tiaqo Bezerra, 73. Azər Salahlı, 79
Hakimlər: Kamal Umudlu, Kamran Bayramov, Vüsal Məmmədov, Tural Qurbanov
Hakim-inspektor: İmanxan Sultani
AFFA nümayəndəsi: İlham Əliyev
“Bakcell Arena”
Qeyd edək ki, XVIII tura martın 6-da oynanılacaq "Keşlə" - "Sabah" və "Qarabağ" - "Qəbələ" qarşılaşmaları ilə yekun vurulacaq.
