Fransanın PSJ klubunun prezidenti Nasser Əl-Xəlaifiyə həbsxana cəzası verilə bilər.
Sportnet.az-ın "RMC Sport"a istinadən məlumatına görə, İsveçrə prokurorluğu, eyni zamanda "beIN Media" televiziya qrupunun rəhbəri olan Əl-Xəlaifiyə qarşı FIFA-nın keçmiş baş katibi Jerom Valkeni cinayətlərə təhrik etmə ittihamını irəli sürüb.
Onun Valkeyə dünya çempionatının yayım hüququnun satışı ilə bağlı özünü doğrultmayan üstünlüklər təqdim etdiyi bildirilir.
Qeyd edək ki, daha əvvəl məhkəmənin birinci instansiyası PSJ rəhbərini haqlı çıxarıb, Jerom Valke isə 120 günlük şərti cəzaya məruz qalıb. Lakin İsveçrə prokurorluğu bu qərardan şikayət etmək niyyətindədir. Orqan Əl-Xəlaifiyə 28 ay, Valkeyə 35 ay həbs cəzası tələb edir.
