"Neftçi" UEFA Konfrans Liqasında mübarizəyə başlayıb.
Sportnet.az-ın məlumatına görə, Laurentsiu Regekampfın baş məşqçi olduğu komanda II təsnifat mərhələsinin ilk oyununda Kiprdə "Aris" (Limassol) klubunun qonağı olub.
Larnaka şəhərindəki "AEK Arena"da oynanılan qarşılaşma Azərbaycan təmsilçisinin məğlubiyyəti ilə bitib - 0:2.
Limassol təmsilçisinin ilk qolunu 53-cü dəqiqədə Kaju, ikinci qolunu isə 66-cı dəqiqədə Artur Yannik Qomis vurub.
Cavab görüşü bir həftə sonra Bakıda "Bakcell Arena"da keçiriləcək.
Qeyd edək ki, cütün qalibi növbəti raundda “Rapid” (Vyana, Avstriya) - “Lexiya” (Qdansk, Polşa) duelinin güclüsü ilə üz-üzə gələcək. Bu komandalar arasında Vyanadakı ilk matç qolsuz bərabərliklə yekunlaşıb.
------------------------------------
"Qəbələ" UEFA Konfrans Liqasında mübarizəyə başlayıb.
Sportnet.az-ın məlumatına görə, "qırmızı-qaralar" Macarıstanda "Fehervar"ın qonağı olub. "MOL Arena"dakı qarşılaşma Azərbaycan təmsilçisinin 1:4 hesablı məğlubiyyəti ilə başa çatıb.
Hesabı 16-cı dəqiqədə Elmar Baxşıyevin baş məşqçi olduğu komanda açıb. Rafael Utziq sağ cinahdan cərimə meydançasına asmanı dəqiq zərbə ilə qapıdan keçirib. Meydan sahibləri 30-cu dəqiqədə Kenan Kodronun qolu ilə tarazlığı bərpa ediblər.
İlk hissənin sonlarına doğru "Qəbələ"nin futbolçusu İlkin Qırtımov ağır zədə alıb. Rəqib oyunçu ilə toqquşmadan sonra 32 yaşlı müdafiəçinin dili qatlanıb. Ona ilk yardımı komanda yoldaşı Asif Məmmədov göstərib. "Qırmızı-qaralar"ın kapitanı dərhal müdaxilə edərək, Qırtımovun həyatını xilas edib. Futbolçu meydançanı xərəkdə tərk edib. Onun əvəzinə oyuna Rüfət Əhmədov daxil olub.
İlk yarı 1:1 hesablı heç-heçə ilə bitib. Adrian Rus 67-ci dəqiqədə qonaqları 2-ci dəfə meydanın mərkəzinə dəvət edib. 79-cu dəqiqədə isə Kodro 3-cü topu "Qəbələ"nin qapısından keçirib. 86-cı dəqiqədə "qırmızı-qaralar" azlıqda qalıblar. Müdafiəçi Murad Musayev kobud oyundan sonra ikinci sarı vərəqə ilə meydandan qovulub. 4 dəqiqə sonra isə Budu Zivzivadze oyunda son nöqtəni qoyub.
Komandalar arasında cavab matçı iyulun 28-də Qəbələdə olacaq.
Qeyd edək ki, bu cütün III təsnifat mərhələsindəki potensial rəqibləri olan Moldovanın "Petrokub-Hinçesti" və Albaniyanın "Laçi" klublarının oyununda hesab açılmayıb.
-------------------------------
"Zirə" UEFA Konfrans Liqasında mübarizəyə başlayıb.
Sportnet.az-ın məlumatına görə, "qartallar" II təsnifat mərhələsinin ilk oyununda İsrailin "Makkabi" (Təl-Əviv) komandasını qəbul edib. "Dalğa Arena"dakı qarşılaşma qonaqların 3:0 hesablı qələbəsi ilə başa çatıb.
Təl-Əviv təmsilçisindən qolları 18-ci dəqiqədə Qavriel Kanixovski, 22-ci və 54-cü dəqiqələrdə isə Corce Yovanoviç vurublar.
Qeyd edək ki, cavab qarşılaşması bir həftə sonra İsrailin paytaxtı Təl-Əvivdə keçiriləcək.
--------------------------------
Azərbaycanın 3 klubu bu gün UEFA Konfrans Liqasında mübarizəyə başlayacaq.
Sportnet.az-ın məlumatına görə, "Neftçi", "Zirə" və "Qəbələ" sözügedən turnirdə ilk oyunlarını keçirəcəklər.
Günün ilk matçı Bakıda baş tutacaq. Ötən mövsümün bürünc mükafatçısı "Zirə" İsrailin "Makkabi" (Təl-Əviv) komandasını qəbul edəcək. "Dalğa Arena"dakı qarşılaşma saat 20:00-da başlayacaq. Görüşü irlandiyalı FIFA referisi Rob Hennessi idarə edəcək.
Geridə qalan mövsümü 4-cü pillədə başa vuran "Qəbələ" Macarıstanda "Fehervar"ın qonağı olacaq. "Mol Arena"da oynanılacaq matç Bakı vaxtı ilə saat 21:00-da start götürəcək. Oyunun baş hakimi isveçli Kaspar Syöberq olacaq.
Ötən mövsümün gümüş medalçısı "Neftçi" isə Konfrans Liqasına Kiprdə start verəcək. "Ağ-qaralar" Limassol təmsilçisi "Aris"lə qarşılşacaq. "AEK Arena"dakı görüşdə ədaləti xorvatiyalı İvan Bebek qoruyacaq. Qarşılaşma Bakı vaxtı ilə saat 21:30-da başlanacaq.
UEFA Konfrans Liqası
II təsnifat mərhələsi, ilk oyunlar
21 iyul
20:00. "Zirə" - "Makkabi" (Təl-Əviv, İsrail) - 0:3
Qollar: Qavriel Kaniçovski, 18. Corce Yovanoviç, 22; 54
Hakimlər: Rob Hennessi, Emmett Daynan, Dermot Brouqto, Oliver Moran (İrlandiya)
Bakı, "Dalğa Arena"
21:00. "Fehervar" (Macarıstan) - "Qəbələ" - 1:4
Qollar: Kenan Kodro, 30;74. Adrian Rus, 67. Budu Zivzivadze, 90 - Rafael Utziq, 16
Hakimlər: Kaspar Syöberq, Maks Robin Vilde, Andreas Svensson, Qranit Maqedonci (İsveç)
Sekeşfehervar, "Mol Arena"
21:30. "Aris" (Kipr) - "Neftçi" - 0:2
Qol: Kaju, 56. Artur Yannik Qomis, 66
Hakimlər: İvan Bebek, Qoran Pataki, Luka Payiç, Dario Bel (Xorvatiya)
Larnaka, "AEK Arena"
Qeyd edək ki, komandalar arasında cavab matçları iyulun 28-də keçiriləcək.
