Misli Premyer Liqasında XIV tura start verilib.
Sportnet.az-ın məlumatına görə, günün yeganə oyununda "Şamaxı" "Sumqayıt"ı qəbul edib.
Şamaxı şəhər stadionundakı qarşılaşma meydan sahiblərinin 4:2 hesablı qələbəsi ilə bitib.
Komandanın qollarını 8-ci dəqiqədə Rövşən Şahmuradov, 33-cü dəqiqədə Nihad Quliyev, 62-ci və 66-cı dəqiqədə Kamran Quliyev vurub. Qonaqlarda isə 14-cü dəqiqədə Vüsal İsgəndərli, 69-cu dəqiqədə Rüfət Abdullazadə fərqlənib.
"Şamaxı" qələbə sayəsində xallarının sayını 10-a çatdırıb və 7-ci sıradakı "Səbail"ə çatıb. "Gənclik şəhəri" təmsilçisi 5 xalla sonuncu - 10-cu pillədə qərarlaşıb.
Qeyd edək ki, turun “Zirə” – “Səbail” və “Neftçi” – “Qəbələ” oyunları noyabrın 12-də, “Kəpəz” – “Turan Tovuz” və “Sabah” – “Qarabağ” matçları isə noyabrın 13-də keçiriləcək.
------------------------------------------------------
Misli Premyer Liqasında XIV tura start veriləcək.
Sportnet.az-ın məlumatına görə, ilk oyun günündə 1 qarşılaşma keçiriləcək.
Turun açılış matçında autsayderlər - "Şamaxı" və "Sumqayıt" üz-üzə gələcək. Hazırda 7 xala malik bölgə klubu 9-cu, 5 xalı olan "gənclik şəhəri" təmsilçisi isə sonuncu pillədə qərarlaşıb.
İki komanda indiyədək ölkə çempionatında 40 dəfə üz-üzə gəlib. Bunların 17-də "Şamaxı", 11-də "Sumqayıt" qələbə qazanıb. 12 görüşdə qalib müəyyənləşməyib. Topların nisbəti də "şirlər"in xeyrinədir - 56:42.
“Sumqayıt” son 8 oyunda meydanı qolsuz tərk etməyib. Son 5 matçda ən azı 2 qol qeydə alınıb.
Misli Premyer Liqası
XIV tur
11 noyabr (cümə axşamı)
14:30. “Şamaxı” – “Sumqayıt” - 4:2
Qol: Rövşən Şahmuradov, 8. Nihad Quliyev, 33, Kamran Quliyev, 62, 66 - Vüsal isgəndərli, 14. Rüfət Abdullazadə, 69
Hakimlər: Elçin Məsiyev, Elşad Abdullayev, Pərvin Talıbov, Kamal Umudlu
VAR: Əliyar Ağayev
AVAR: Zeynal Zeynalov
Hakim-inspektor: Zöhrab Qədiyev
Şamaxı şəhər stadionu.
Qeyd edək ki, turun “Zirə” – “Səbail” və “Neftçi” – “Qəbələ” oyunları noyabrın 12-də, “Kəpəz” – “Turan Tovuz” və “Sabah” – “Qarabağ” matçları isə noyabrın 13-də keçiriləcək.
