Argentina milli komandasının kapitanı Lionel Messi Amerika Kubokunun ən yaxşı futbolçusu üçün nəzərdə tutulan mükafatdan imtina edib. Sportnet.az-ın məlumatına görə, 28 yaşlı hücumçu bu addımı Çiliyə penaltilərlə 1:4 hesabı ilə uduzduqları final matçından sonra atıb.
Messi yığmadakı növbəti uğursuzluğu qarşılığında fərdi mükafatı qəbul edə bilməyib. O, 2008-ci il Pekin Yay Olimpiya Oyunlarından savayı, heç bir nüfuzlu yarışda Argentina millisi ilə kubok qazana bilməyib. İspaniya "Barselona"sının forvardı Amerika Kubokunda 1 qol və 3 məhsuldar ötürmə ilə yadda qalıb.
