Bakı "İnter”in sabiq baş məşqçisi, hazırda Gürcüstan milli komandasına rəhbərlik edən Kaxaber Tsxadadzeyə hərbi çağırış vərəqəsi gəlib. Sportnet.az-ın "Sovetskiy Sport”a istinadən məlumatına görə, müvafiq sənəd SSRİ yığmasının sabiq müdafiəçisinin 2000-ci ildən yaşayış yeri sayılmadığı mənzilə gəlib.
47 yaşlı mütəxəssis hərbi qeydiyyat bilgilərinin dəqiqləşdirilməsi üçün Rusiya Hərbi Komissarlığına dəvət olunub.
Qeyd edək ki, Gürcüstan millisi oktyabrın 8-də Cəbəllütariq yığması ilə AVRO-2016-nın seçmə qrup matçında üz-üzə gələcək. Kaxaber Tsxadadze Rusiyada "Spartak" və "Dinamo" (Moskva) komandalarında çıxış edib. O, 2014-cü ildən Gürcüstan millisinin baş məşqçisidir.
