UEFA Çempionlar Liqasının III təsnifat mərhələsində çıxış edəcək klublara vaxt qoyub. Sportnet.az-ın məlumatına görə, qurum növbəti mərhələdə mübarizə aparacaq komandalardan sifariş ərizələrini iyulun 25-dək təqdim etmələrini istəyib.
Əks təqdirdə, müəyyən olunan vaxtdan sonra təqdim edilən futbolçular siyahıya əlavə edilməyəcək.
Qeyd edək ki, Azərbaycanı Çempionlar Liqasında təmsil edən "Qarabağ" iyulun 22-si saat 21:30-da Tofiq Bəhramov adına Respublika stadionunda Maltanın "Valletta" klubu ilə cavab oyununu keçirəcək. İlk qarşılaşma təmsilçimizin minimal hesablı qələbəsi ilə başa çatıb - 1:0.
