Beynəlxalq Ağırlıqqaldırma Federasiyasının prezidenti Tamaş Ayan yaxın vaxtlarda Bakıya gələcək. Sportnet.az-ın məlumatına görə, bu barədə gənclər və idman naziri Azad Rəhimov açıqlama verib.
O bildirib ki, səfər zamanı 18 ağırlıqqaldıranımıza tətbiq olunan dopinq cəzaları ilə bağlı müzakirələr aparılacaq və qaranlıq məqamlara aydınlıq gətiriləcək. Müzakirələrin yekununda qərar açıqlanacaq.
Nazirin sözlərinə görə, Beynəlxalq Ağırlıqqaldırma Federasiyasının tətbiq etdiyi 500 min avro cəriməni Azərbaycan Ağır Atletika Federasiyası ödəməlidir: "Məncə, cərimə varsa, ödəniləcək".
