"Barselona" əsrin transfer hərəkatına başlayıb. Sportnet.az-ın məlumatına görə, klub Kristiano Ronaldunu transfer etmək üçün "Real Madrid"ə rədd edə bilməyəcəyi bir təklif irəli sürəcək.
Katalonlar, "Real Madrid"in və dünya futbolunun məşhur siması Ronaldu üçün paytaxt kulbuna 80 milyon sterlinq təklif etməyə hazırlaşır. "Mançester Yunayted"dən "Real Madrid"ə transfer olduğu dövrdə "Barselona"nın təklifini geri çevirən Ronaldunun transferi hələlik bir fantaziya kimi görünsə də, katalonlar ulduz futbolçuları Messinin ayrılma siqnalı verdiyi üçün ciddi şəkildə futbolçunun transferini istəyir. "Real Madrid"lə böyük uğurlar əldə edən Ronaldunun klubun bu tarixi təklifə nə cavap verəcəyi isə maraq doğurur.
