Argentinanın
ən məhşur klublarından olan "River Pleyt”in azarkeşləri "Monumental”
stadionunun yeməkxanasına hücum çəkiblər. Sportnet.az-ın məlumatına görə, 150-yə
yaxın fanat əllərində soyuq silah və bitalarla yeməkxanaya daxil olaraq oranı
dağıdıblar.
Həmin
an yeməkxanada "River Pleyt” klubunun digər azarkeş qrupu da olub. Qruplar
arasında yaşanan dava-dalaşda 3 azarkeşin müxtəlif dərəcəli xəsarət aldığı, yeməkxananın
isə tamamilə dağıdıldığı bildirilir. Bundan sonra fanatlar arenanı tərk ediblər.
Qeyd edək ki, "River Pleyt” Argentina çempionatında "Rasinq”dən sonra ikinci pillədə qərarlaşıb.
