Gürcüstanın Batumi şəhərində keçirilən şahmat üzrə Avropa çempionatında VIII turun görüşləri başa çatıb.
Sportnet.az-ın məlumatına görə, kişilərdən ibarət Azərbaycan millisi bu turda Ermənistanla üz-üzə gəlib. Görüş rəqibin qələbəsi ilə bitib - 1,5:2,5.
Qadınlardan ibarət komanda isə Fransanı məğlubiyyətə uğradıb - 2,5:1,5. Günay Məmmədzadə və Gülnar Məmmədova rəqiblərinə qalib gəlib. Ülviyyə Fətəliyeva uduzub, Xanım Balacayeva isə heç-heçəyə razı olub.
Qeyd edək ki, bu nəticələrdən sonra qadınlardan ibarət komanda 12-ci xalını qazanıb və sona bir tur qalmış üçüncü pilləyə yüksəlib. Kişilərdən ibarət yığma isə 9 xalla 12-ci sıradadır.
Komandalararası Avropa çempionatı, VIII tur
1 noyabr
Kişilər
Azərbaycan - Ermənistan - 1,5:2,5
Şəhriyar Məmmədyarov - Levon Aronyan - 0,5:0,5
Arkadi Naydiç - Qabriel Sargissyan - 0,5:0,5
Qədir Hüseynov - Qrant Melkumyan - 0,5:0,5
Eltac Səfərli - Arman Paşikyan - 0:1
Qadınlar
Fransa - Azərbaycan - 1,5:2,5
Sofi Miyye - Günay Məmmədzadə - 0:1
Polen Gişar - Xanım Balacayeva - 0,5:0,5
Almira Skripçenko - Ülviyyə Fətəliyeva - 1:0
Nataşa Benmesba - Gülnar Məmmədova - 0:1
