Çempionlar Liqasnın II təsnifat mərhələsində "Qarabağ"la Malta "Valletta"sı arasıdnda baş tutacaq cavab görüşü öncəsi açıq məşq və mətbuat konfransı olacaq. Sportnet.az-ın məlumatına görə, iyulun 21-də saat 18:45-də "Valletta"nın baş məşqçisi Cilbert Aqius Tofiq Bəhramov adına Respublika stadionunda jurnalistlərin suallarını cavablandıracaq.
Bundan 15 dəqiqə sonra maltalıların məşqi başlanacaq. Ağdam klubunun baş məşqçisi Qurban Qurbanov isə saat 19:45-də mətbuat önünə çıxacaq. "Qarabağ"ın oyunöncəsi son məşqi saat 20:00-da olacaq.
Qeyd edək ki, "Valletta" bu gün səhər saatlarında Bakıya gəlib və "Teatro" otelində məskunlaşıb. Qarşılaşma iyulun 22-də saat 21:30-da Tofiq Bəhramov adına Respublika Stadionunda baş tutacaq.
