Azər Məhərrəmov yeni federasiyanın planlarından danışdı

Azərbaycanın Triatlon Federasiyası (ATF) fəaliyyətinin 10 ayı dövründə bir sıra nailiyyətlər əldə edib. Gənclər və İdman nazirliyi, eləcə də Milli Olimpiya Komitəsinin tövsiyəsi ilə yaradılan bu qurum hazırda Beynəlxalq və Avropa Ittifaqlarında ən fəallardan biridir. Yığmanın idmançıları bir neçə yüksək reytingli yarışlarda mükafatlar qazanıb, yeniyetmələrdən ibarət komanda isə beynəlxalq turnirdə ilk sınağına çıxıb. Ən yaxın prioritet – 2015-ci ildə Bakıda keçiriləcək Avropa Oyunlarına əsaslı hazırlaşmaqdır. Proqramına triatlonun da daxil olduğu bu Oyunlarda habelə 2016-cı il Olimpiadasına lisenziyalar qazanmaq şansı verilir. Azərbaycan triatlonunun hazırki vəziyyəti, ilk uğurlar və gələcək planlar barədə ATF direktoru Azər Məhərrəmov bölüşüb.

- Son aylar Azərbaycan triatlon komandası üçün çox zəngin olub. Yəqin ki, ilk nailiyyətlər haqda açıqlama vermək vaxtıdır...

- Doğrudan da milli Triatlon Federasiyasının yaranmasından az vaxt keçsə də, bu vaxt ərzində əldə olunan nailiyyətlər haqda danışmaq artıq mümkündür. On ay ötdükdən sonra tam əminliklə demək olar ki, bizdə iki komanda mövcuddur – yığma və yeniyetmələrdən ibarət. Birinciyə indiyədək cəmi 3 idmançı daxil idi – Rostislav Pevtsov, Kseniya Levkovskaya və Aleksandr Yatsenko, amma bugünlərdə onların sırasına daha bir azərbaycanlı idmançı qoşuldu – Zaur Arkaniya. İlk üçlük çoxlu sayda təlim-məşq toplantılarında iştirak edib, beynəlxalq startlatrda öz mövqelərini bərkidib. Yığma mövsümə Kaliforniyada açılış edib. Burada idmançılar hazırlıq keçməklə yanaşı, Klermont şəhərində Panamerika Kubokunda iştirak etdi ki, bu yarışda R.Pevtsov 7-c i nəticəni göstərib. İlk beynəlxalq uğur isə komandaya Meksikada, La-Pas şəhərindəki Panamerika Kubokunda elə R.Pevtsovun timsalında gəldi. Burada idmançımız 2-ci yeri tutdu.

- Hadisələrin inkişafı onu göstərdi ki, bu, komandamızın uğurları davam etdirmək üçün əsaslı zəmin olub.

- Tamamilə doğrudur. Kaliforniyadakı təlim-məşq toplanışlarından sonra yığma, hazırlığı davam etdirmək üçün Kiprə yola düşdü. Larnakadakı toplanışlar çox önəmli idi. Ən azından ona görə ki, burada qitənin ən öndəgedən idmançıları bir araya gələrək birgə məşqlər edirdilər. Kiprdəki hazırlıqlar da Çində təşkil olunan Asiya Kubokunda öz bəhrəsini verdi. Burada Rostislav Pevtsov gümüş medal və xüsusi kuboku qazandı. Triatletin nailiyyətləri bizi sevindirməyə bilməz, çünki o, ən yüksək nailiyyətlərini Azərbaycan yığmasının tərkibində əldə edib. Buna sübut olaraq idmançının beynəlxlaq yarışlar çərçivəsində ən mötəbər sayılan, Londonda keçirilən Dünya seriyası etapındakı nəticəsini də göstərmək olar. Sentyabr ayınadək Beynəlxalq Triatlon Federasiyasının (İTU) bayrağı altında çıxış edəcək Rostislav burada 16 idmançı arasında finişə 11-ci gəldi.

Belə bir ulduzlar toplumu arasında 11-ci nəticəni Pevtsovun karyerasında ən yüksək nöqtə kimi qəbul etmək olar. Rostislav hələ ki, dünyanın birinci onluğunda yer almasa da, Azərbaycan yığmasının tərkibində xeyli nailiyyətlər əldə edə bilib. Bizim üçün bu, çox vacibdir, axı, Federasiyamız da beynəlxalq arenada ilk addımlarını atır. Buna görə ümidvarıq ki, Pevtsov Bakıda təşkil olunacaq Avropa Oyunlarında da özünü göstərməyi bacaracaq və Olimpiada 2016-ya lisenziya uğrunda mübarizə aparacaq.

-Triatlonda idmançı bir çox vərdişlərə, xüsusiyyətlərə malik olmalıdır. Bura həm üzgüçülük, həm velosiped idmanı, həm də qaçış daxildir. Bu növlərin xüsusiyyətləri nədən ibarətdir?

- Məlumdur ki, triatlon çox bahalı idman növüdür. Bura həm velosiped qismində texnika, müxtəlif ehtiyat hissələri, onların təmiri üçün xüsusi təchizatla yanaşı, həm də idman geyimi, termokostyumlar daxildir.

- Komandalara legionerlərin cəlb olunması bir çox ölkədə normal prosesdir. Bu, xüsusən də dünya arenasında mövqelərini bərkitmək üçün yenicə addımlar atmağa başlayan Federasiyalar üçün önəmlidir. Məsələnin həlli variantını Siz nədə görürsünüz?

-Sirr deyil ki, idmanın inkişaf istiqamətlərindən biri də, ələlxsus da, hər şey sıfrdan başlayırsa, bu da legionerlərin cəlb olunmasıdır. Biz bunu gizlətmirik də. Düzdür, gənc idmançılarla da işə başlamaq mümkündür, amma buna bəlkə də 10 il vaxt gedəcək. Bu zaman perspektivli gənc komanda ilə yanaşı biz triatlonda mövqelərini təqsiqləmiş şəxsləri dəvət ediriksə, bax bu, başqa məsələdir. Bir tərəfdən onlar bir növ püxtələşməkdə olan nəsil üçün örnək rolu oynayacaqlar, digər tərəfdən isə Azərbaycanın aktivinə ilk medallar gətirə bilərlər. Yəni triatlonun inkişafına idmanın bu növündə bizdən xeyli öndə gedən digər ölkələrdən cəlb edilmiş idmançılar olmadan başlamaq düzgün deyil.

-Yeniyetmələrdən ibarət komanda ilə vəziyyət nə yerdədir? Yaxın perspektivdə ən çox kimə bel bağlamaq olar?

-Ötən ilin sonunda biz yeniyetmələrdən ibarət komandanı formalaşdırdıq. Onun tərkibinə Nurlan Əliyev, Elmir Yusifov, Orxan Heydərli, Sahib Salahov və Denis Karçaşkin daxildir. Onlar yaxşıların yaxşısıdır. Bu idmançılar gözəl şəraiti olan Şağan Olimpiya kompleksində hər gün məşq edirlər. Orada hovuz da var, stadion da, eləcə də triatlon üçün əldə etdiyimiz müvafiq avadanlıq, o cümlədən də velosipedlər mövcuddur. Yəni idmançılarımızın məşqləri üçün bütün şərait yaradılıb ki, onlar öz yaşıdları arasında nəticələr əldə edə bilsinlər. Bununla yanaşı, komanda Mingəçevirdə, Avarçəkmə Federasiyasının bazasında məşqlər edib. Yeri gəlmişkən, bu Federasiyaya təşəkkürümüzü bildirmək istəyirəm. Elə isti və dost münasibətlərində olduğumuz üzgüçülük, velosiped idmanıs və atletika Federasiyalarına da həmçinin. Yeniyetmələrin təlim-məşq toplanışlarında birinci komandanın məşqçisi Sergey Yatsenko da iştirak edib. Bundan sonra biz gənclərimizi Antalyaya da apardıq ki, burada da atletlərimiz Avropa Kuboku çərçivəsində bir neçə tədbirdə iştirak etdilər. Aydın məsələdir ki, yeniyetmə idmançılarımız hələ ki, nə yaşları, nə də təcrübələri ilə bu yarışda iştirak edə bilər, amma bu, onlar üçün əsl triatlonun necə olduğunu hiss etmək üçün böyük təkan idi. Axı, startla, üzgüçülükdən sonra velosipedlərə mindiyi terminalın, ən sonda isə qaçış distansiyasını qət etməsi ilə bağlı müxtəlif nüanslar mövcuddur. Amma bütün bunlar arasında ən maraqlısı Türkiyənin yeniyetmələrrdən ibarət yığması ilə birgə yarışlar idi ki, burada da bizim yeniyetmə triatletlərimiz öz bacarıqlarını nümayiş etdirə bildilər.

-Bu turniri ümumilikdə necə səciyyələndirirsiniz?

-Bizi sevindirir ki, bir sıra yarışlarda iştirak etmiş idmançılarla yanaşı, Nurlan Əliyev və Elmir Yusifov aralarında nəticə etibarilə 1 saniyə fərq olmaqla, ilk onluğa daxil ola bildilər.

-Triatlon barədə danışanda bu idman növünün də təmsil olunacağı Avropa Oyunları mövzusundan kənarda qalmaq mümkün deyil. Bu istiqamətdə hansı yeniliklər var, hansı məqamları açıqlaya bilərsiniz?

-Yəqin ki, ölkə rəhbərliyinin idman sahəsində əldə etdiyi ən böyük uğurlardan biri də məhz Bakıda belə mötəbər yarışların keçirilməsinə nail olmaqdır. Bəzən insanlar bu yarışların əhəmiyyətini tam dərk etmir. Dünyada Olimpiada zirvədirsə, Avropada da bu oyunların əhəmiyyəti şəksizdir. Daha bir əhəmiyyətli məqam ondan ibarətdir ki, bu, tarixdə ilk belə yarış olacaq. Azərbaycanın hər il müxtəlif idman növləri üzrə yarışların keçirilməsinin öhdəsindən yüksək peşəkarlıqla gəlməsini nəzərə alaraq, artıq indidən əminliklə demək olar ki, bu Avropa Oyunları öz miqyası, qeyri-adiliyi, gözəlliyi, kütləviliyi ilə seçilməyi bacaracaq. Mən bunu tam əminliklə deyirəm, çünki bu istiqamətdə görülən səylər, bütün sahələrin sürətlə inkişafı göz qabağındadır. Avropa Oyulnlarının Təşkilati məsələləri üzrə bölməsi tam gücü ilə çalışır. Eyni zamanda biz Macarıstandan olan idman nümayəndəsi Alpar Naqi ilə birgə çalışırıq. Bu şəxs triatlon üzrə yarışlarda əlaqələndiricidir. İndi son marşrutla əlaqədar iş gedir, yəni bura start, könüllülərin yerləşdirilməsi, bu idman növünün bütün nüansları nəzərə alınaraq müvafiq işlərin görülməsi üzərində proses gedir. Bildiyiniz kimi, triatlon ilk olaraq, üzgüçülüklə başlayır, daha sonra idmançılar 40 km məsafəni velosipedlə qət etməlidirlər. Sözsüz ki, onların yolu bizim şəhərin ən görkənmli və gözəl yerlərindən salınacaq, ələxsus də Neftçilər prospekti ilə. Bütün bu yarış çox gözəl və möhtəşəm keçirilməlidir, çünki bütün dünyada onu televiziya ilə milyonlarla tamaşaçı izləyəcək. Azərbaycan ev sahibi qismində 4 idmançı üçün yerə malikdir (iki qadın, iki kişi idmançı). Yəni müəyyən texniki məsələlər qalır ki, biz də onları tam həll etmək məqsədi ilə Əməliyyat Komitəsi ilə (BEGOC) daim təmasda oluruq.

-Yəqin ki, Avropa Oyunları 2016-cı il Olimpiadasını nəzərə alan bizim triatletlər üçün bir növ həm də keçid rolunu oynayacaq.

-Onu da nəzərə alaq ki, Bakıdakı Oyunların nəticəsinə görə Rio-de-Janeyro-2016 Olimpiadasına lisenziya veriləcək. Bütün bu, ondan xəbər verir ki, Bakıya qitənin ən titullu və ən adlı-sanlı idmançıları təşrif buyuracaqlar. Axı Avropa Oyunları Olimpiada-2016-ya tramplin rolunu oynayacaq. Özü də indi təsnifat sikli başlayıb, idmançılar müxtəlif turnirlərdə Braziliyaya getmək üçün xallar toplayır. Buna görə də, Pevtsovun hələ Bakı yarışlarından əvvəl Olimpiadaya getmək üçün xal qazanması istisna deyil.

-Yəqin ki, triatlonun Azərbaycanda populyarlaşdırılması üçün istifadə edilən yollardan biri də sosial şəbəkələrdi?

-Bizim mətbuat xidmətimiz çox fəal işləyir, bütün son xəbərlər isə ən qısa vaxta ilk növbədə Federasiyanın rəsmi saytında – triathlon.az ünvanında yerləşdirilir. Bununla yanaşı, Feysbukda aktiv səhifəmiz var - Triathlon Azerbaijan, onun vasitəsilə biz ünsiyyət yaradırıq, şərhlər oxuyuruq, müxtəlif müraciətlər əldə edirik, digər idman saytları ilə əməkdaşlıq qururuq ki, onların da oxucuları Azərbaycanda yeni idman növləri barədə məlumatlara xüsusi maraq göstərirlər. Axı, triatlon Olimpiya proqramına daxildir, Bakıda keçiriləcək Avropa Oyunlarının da həmçinin. Hesab edirik ki, Rio-2016 Olimpiadasına lisenziyalar uğrunda layiqli mübarizə aparmağa qadirik. Bir sözlə, sosial şəbəkələr böyük rol oynayırlar, hər halda, onların vasitəsilə biz ən çətin işlərdən birinin yerinə yetirilməsinə başlayacayıq.

-Sizcə, buna necə nail olmaq mümkündür?

-Bizə triatlonla maraqlanan çoxlu sayda valideyn, yeniyetmə, əcnəbilər müraciət edir. Aydındır ki, Triatlon Federasiyası yaradılmazdan əvvəl bu idman növü ilə maraqlananlar mövcud idi. Xüsusilə ölkəmizdə işləyən xarici vətəndaşlar arasında. Hətta soydaşlarımızdan da duatlon və triatlon üzrə qeyri-rəsmi yarışlarda iştirak edənlər az olmayıb. Bundan başqa, uğurlu dövlət siyasəti sayəsində Azərbaycan idman aləmində mötəbər yerlərdən birini tutur, bunu öılkəmiz həm də London Olimpiadasında bir daha sübut etdi. İndi bizim əsas vəzifəmiz – triatlonu əhali arasında daha da populyarlaşdırmaq, bu idman növünə daha çox diqqət yönəltməkdir. Bu iş böyük səylər, əziyyət tələb edir, amma biz bu istiqamətdə ən yaxın vaxtlarda addımlar atmağa başlayacayıq. Burada məşqçi heyətinin təkmilləşdirilməsi, regionlarda triatlon seksiyalarının açılması da olduqca böyük əhəmiyyət kəsb edir.

-Azərbaycanın Triatlon Federasiyasının digər ölkələrdən olan həmkarları ilə əməkdaşlığı hansı səviyyədə qurulub?

-Bizim bir çox Federiasiya ilə gözəl münasibətlərimiz mövcuddur. İlk növbədə Türkiyədəki həmkarlarla, bu təşkilatın rəhbərı Həmdi Günəşin yaxın səyləri sayəsində. Bundan başqa, Rusiyanın Triatlon Federasiyası ilə əməkdaşlığı qeyd etməmək qeyri-mümkündür. Bu olkə Federasiyasının rəhbərilə Londonda dünya çempionatı çərçivəsində tanış oldum. Onlar da bizə yaxından kömək göstərirlər. Ukraynadan olan həmkarlarımızla da, başda Andrey Bildı olmaqla, münasibətlərimiz yüksək səviyyədədir.

-Yaxın gələcəyə olan planlarınız nədən ibarətdir?

-Kiçik fasilədən sonra yığma Avstriyada təlim-məşq toplanışlarına yollanacaq, burada da əsas komandaya Zaur Arkaniya da qoşulacaq. Məşqçilərin fikrincə, onun triatlonda ölkəmizi təmsil etməsi üçün kifayət qədər göstəriciləri var ki, bu səbəbdən Arkaniya birbaşa birinci komandanın tərkbinə daxil olacaq. Yeniyetmələrdən ibarət komandaya gəldikdə isə, idmançılar 23 yaşınadək olan atletlər arasında Avropa Çempionatına hazırlaşırlar. Rusiyanın Penza şəhərində təşkil olunacaq bu yarışlarda Azərbaycan 3-4 idmançı ilə təmsil olunacaq.

-Və sonda arzularınızla bölüşərdiniz...

-Əlbəttə, indiki durumda ilk yerlərə sahib olmaq bir növ illüziya kimidir, lakin Federasiyanın fəaliyyətinin ilk 10 ayında qurur duyacağımız çox şey var. İnkişafı davam etdirəcəyik. Biz idman ictimaiyyəti və idmana böyük əhəmiyyət verən şəxslərlə eyni addımlamağa çalışırıq.