Azərbaycan idman gimnastları Belarusun Mogilyov şəhərində keçirilmiş Açıq Kubok turnirində 7 medal qazanıblar.
Federasiyanın mətbuat xidmətindən Sportnet.az-a verilən məlumata görə, yarışda kişi idman gimnastlarından Rəsul Əhmədzadə, qadın idman gimnastlarından isə Dəniz Əliyeva, Nazənin Teymurova, Aytən Məmmədova, Leyla Məmmədzadə, Albina Əliyeva, Aynaz Məcidzadə və Xədicə Abbaszadə çıxış edib.
Albina Əliyeva qızıl (dayaqlı tullanma - 13.483 xal), Rəsul Əhmədzadə gümüş (sərbəst hərəkətlər - 13.050 xal) və iki bürünc (dəstəli at - 13.000 xal, paralel qollar - 12.875 xal), Dəniz Əliyeva gümüş (dayaqlı tullanma - 12.733 xal) və bürünc (sərbəst hərəkətlər - 11.733 xal), Leyla Məmmədzadə bürünc medal (dayaqlı tullanma - 12.883 xal) əldə edib.
