İspaniyanın "Sevilya" klubunun futbolçusu Karlos Bakkanın İtaliya "Milan"ı ilə danışıqları müsbət nəticələnib. Sportnet.az-ın məlumatına görə, bu barədə kolumbiyalı hücumçu mətbuata açıqlamasında bildirib.
O deyib: "Müqavilə hələ rəsmiləşməyib. Ancaq artıq "Milan" ilə razılaşmışıq. Mən 100 % əminəm ki, müqavilə bağlanacaq.
Transferin baş tutacağı təqdirdə "Milan" 27 yaşlı futbolçu üçün 30 milyon avro ödəyəcək.
Qeyd edək ki, Bakka "Sevilya"ya 2013-cü ildə "Brüqqe"dən keçib.
