17 yaşadək futbolçulardan ibarət Azərbaycan milli komandası Avropa çempionatının seçmə mərhələsində bu gün ikinci oyununa çıxıb.
Sportnet.az xəbər verir ki, 9-cu qrupda yer alan milli Fransanın Sen-Pol-le-Daks şəhərində İsrailin müvafiq yaş qrupundan ibarət komandası ilə qarşılaşıb.
“Park de Sport” stadionunda keçirilmiş görüş rəqibin böyük hesablı qələbəsi ilə yekunlaşıb - 5:1.
Azərbaycan millisinin yeganə qolunu Samir Şərifov vurub. Oyunun sonlarında isə Amin Rzayev qırmızı vərəqə alaraq, komandasını azlıqda qoyub.
11 oktyabr
20:00. İsrail (U-17) - Azərbaycan (U-17) - 5:1
Qollar: Tamir Bar, 39; 47. Adam Qrimberq, 83. Erez Didi, 90 (pen.). Ben Zuares, 90+4 - Samir Şərifov, 45+1
İstifadə olunmamış penalti: Liam Luski, 71 (İsrail)
Qırmızı vərəqə: Amin Rzayev, 90 (Azərbaycan)
Baş hakim: Marius Hansen Qrotta (Norveç)
Baş hakimin köməkçiləri: Henrik Pettersen Sunde (Norveç), Nikolya Durand (Fransa)
Dördüncü hakim: Gillaume Paradis (Fransa)
“Park de Sport” stadionu, Sen-Pol-le-Daks
Qeyd edək ki, U-17 ilk oyununda Fransaya 0:8 hesabı ilə uduzub. Hazırda Fransa və İsrail hərəyə 4 xalla qrupun şərikli liderləridir. Rumıniyanın 2 xalı var. Xalsız Azərbaycan yığmasın son oyunu Rumıniyaya qarşı keçirəcək.
