"Qarabağ"ın UEFA Çempionlar Liqasının əsas mərhələsində Almaniya "Ayntraxt"ına qarşı keçirəcəyi VII tur matçının təyinatları açıqlanıb.
Sportnet.az-ın məlumatına görə, qarşılaşma İsveçrədən olan hakimlər briqadasına tapşırılıb.
İsveçrəli referi Sandro Şörerə Stefane De Almeyda və Yonas Erni yan xətt, Yohannes von Mandax dördüncü hakim kimi yardımçı olacaq. Fedayi San VAR hakimi, Lukas Fahndrix VAR hakiminin köməkçisi təyin olunub.
Qeyd edək ki, yanvarın 21-də Tofiq Bəhramov adına Respublika stadionunda keçiriləcək oyun saat 21:45-də başlanacaq.
