Arda Turan "Barselona”da 2-ci qolunu vurub. Sportnet.az-ın məlumatına görə, türkiyəli yarımmüdafiəçi bu dəfə İspaniya Primerosunda "Xetafe”nin qapısına yol tapıb.
O, 29-cu turda "Nou Kamp”da keçirilən matçın 57-ci dəqiqəsində vurduğu qolla 6:0 hesablı darmadağında son nöqtəni qoyub. Özü də Arda künc zərbəsindən sonra "qayçıvari zərbə” ilə baxımlı qola imza atıb.
Bu, eyni
zamanda Turanın hazırkı klubunun heyətində "Nou Kamp”da ilk qolu olub. "Barselona”da ilk dəfə 27-ci turda "Rayo
Valekano” ilə səfər oyununda fərqlənən futbolçu 86-cı dəqiqədə hesabı 5:1
komandasının xeyrinə etmişdi. Maraqlıdır ki, Arda onda da matçda son nöqtəni
qoymuşdu.
