Türkiyənin "Fənərbağça" klubu Caner Erkinlə yeni müqavilə imzalayıb. Sportnet.az-ın klubun rəsmi saytına istinadən məlumatına görə, Erkin növbəti 2 il ərzində "sarı-lacivərtlər"in uğuru üçün çalışacaq.
26 yaşlı yarımmüdafiəçi ilə iyun ayının əvvəllərində razılıq əldə olunsa da, münasibətlər bu gün rəsmiləşdirilib. İmza mərasimində çıxış edən klub prezidenti Aziz Yıldırım komandada qaldığına görə Canerə təşəkkürünü bildirib. Erkin də öz növbəsində "Fənərbağça"nın formasını geyinməkdən qürur duyduğunu söyləyib.
Qeyd edək ki, Caner Erkinin "Fənərbağça" ilə olan müqaviləsi bu il may ayının 31-də başa çatmışdı.
