Bakıda keçiriləcək 17 yaşadək futbolçular arasında Avropa çempionatının iştirakçıları Bakıya gəlməkdə davam edir. Sportnet.az-ın məlumatına görə, az əvvəl Hollandiya, Portuqaliya və Bosniya və Hersoqovina yığmalarının yer aldığı təyyarə Heydər Əliyev adına Beynəlxalq Hava Limanına enib.
Bununla da Bakıya gəlmiş yığmaların sayı 12-yə çatıb. Daha öncə Ukrayna, İngiltərə, Fransa, Almaniya, Belçika, Şotlandiya, İsveç, Avstriya, Danimarka paytaxta gəlib.
Digər 3 komanda - Serbiya, İtaliya və İspaniya isə bu gün Bakıda olacaq.
Azərbaycan millisinin yer aldığı A qrupunda Belçika və Şotlandiya yığmaları ilə yanaşı Portuqaliya da mübarizə aparacaq. Bosniya və Herseqovina Ukrayna, Almaniya və Avstriya ilə B qrupundadır. Hollandiya yığmasının rəqibləri isə İtaliya, Serbiya və İtaliyadır.
Qeyd edək ki, Avropa çempionatı 5 - 21 mayda keçiriləcək.
