Türkiyə Futbol Federasiyası "Trabzonspor" klubunu ağır cəzalandırıb. Sportnet.az-ın məlumatına görə, qurum Trabzon təmsilçisinin Super Liqanın 30-cu turunda aprelin 24-də "Fənərbaxça"ya 0:4 hesabı ilə uduzduğu ev oyununda baş verən insidenti araşdırıb.
Belə ki, matçın uzatma dəqiqələrində meydana daxil olan fanat qapının yanında olan hakimi döymüşdü. "Trabzonspor" klubu azarkeşinin bu hərəkətinə görə 280 min avro məbləğində cərimələnməklə yanaşı, qarşıdakı 4 ev oyununu boş tribunalar qarşısında keçirəcək.
