Zaqatalanın "Simurq" klubunun sabiq baş məşqçisi Sergey Yuranın Ermənistanda fəaliyyəti başa çatıb. Sportnet.az-ın məlumatına görə, 47 yaşlı ukraynalı mütəxəssis bu ilin yanvarından çalışdırdığı "Mika" klubunun baş məşqçi postundan gedib.
Bu, Ermənistan kubokunun finalında "Banants"a 0:2 hesablı məğlubiyətdən sonra baş verib. Yuranla yanaşı, klubun prezidenti Xoren Oqanesyan postundan gedib. Baş məşqçi funksiyasının icrası isə klubun baş direktoru Armen Petikyana tapşırılıb.
