"Neftçala" ardıcıl 2-ci mövsüm Azərbaycan çempionatının birinci divizionunun qalibi olub. Sportnet.az-ın məluatına görə, əyalət təmsilçisi ötən il də baş məşqçi Kamal Quliyevin rəhbərliyi altında çempionluq qazandı. Ancaq onda neftçalalılar Premyer Liqaya iştirak edə bilmədilər. Buna səbəb AFFA-dan lisenziya ala bilməmələri idi. Bu dəfə necə olacağını zaman göstərəcək. Reqlamentə görə, Premyer Liqada sonuncu - 10-cu yeri tutan komanda birinci diviziona düşür, bu liqanın qalibi isə onu əvəzləyir.
2005-ci ildə yaradılan "Neftçala" ardıcıl 3-cü il çempionatın mükafatçısı olur. Belə ki, komanda 2014-cü ildə gümüş medal qazanmışdı. Neftçalanın eyniadlı təmsilçisinin mükafat kolleksiyasında hər 3 medal var. Belə ki, ilk mükafat 2009-cu ildə hələ "ANŞAD-Petrol" adlananda bürünc medal olmuşdu. Bundan 4 il sonra komanda həmin nəticəni artıq "Neftçala" adıyla təkrarladı.
