AFFA Azərbaycan milli komandalarına baş menecer təyin etmək istəyir. Sportnet.az-ın "sportx"ə istinadən məlumatına görə, bu məqsədlə Türkiyənin bir çox klubunda baş menecer kimi çalışmış Süleyman Hurma ilə danışıqlara başlanılıb.
Məqsəd millidə yenidənqurma aparmaqdan ibarətdir. Hurmaya təklifin şəxsən AFFA prezidenti Rövnəq Abdullayev tərəfindən ünvanlandığı bildirilir. İki şəxs arasında mayın 28-də Avstriyada görüş keçiriləcək.
Ertəsi gün Azərbaycan millisi Makedoniya, iyunun 2-də isə Kanada ilə yoldaşlıq görüşü keçirəcək.
Qeyd edək ki, Süleyman Hurma indiyədək "Kayserispor", "Erzurumspor", "Trabzonspor" və "Samsunspor" klublarında baş menecer vəzifəsində çalışıb. O, bir müddət "Türkiyə qəzeti"ndə idman yazarı olub.
