Kanada milli komandasının baş məşqçisi Benito Floro Azərbaycan və Özbəkistanla keçirəcəkləri yoldaşlıq görüşləri barədə danışıb. Sportnet.az-ın məlumatına görə, Kanada Futbol Assosiasiyasının rəsmi saytına açıqlamasında 64 yaşlı mütəxəssis hər iki qarşılaşmanın komandası üçün çox yaxşı test xarakteri daşıyacağını bildirib.
Onun fikrincə, Avropa toplanışı yığma üçün vacibdir: "Çünki bu, komandamız və onun xətlərarası əlaqələri üçün yeni strukturu təcrübədən keçirmək və yaratmaq imkanı verəcək. Hər bir toplanışda onlar daha çox öyrənə və müsbət metodları praktikadan keçirə bilərlər. Bunlar da bizə oyunlarda faydalı olacaq".
Qeyd edək ki, Avstriyada keçiriləcək Kanada - Azərbaycan matçı iyunun 3-də saat 21:00-da başlanacaq.
