Almaniya yığmasının futbolçusu Antonio Ryudiger Fransada keçiriləcək Avropa çempionatında iştirak etməyəcək. Sportnet.az-ın məlumatına görə, İtaliya "Roma"sında çıxış edən 23 yaşlı müdafiəçi yığmanın məşqi zamanı zədələnib.
Müayinədən sonra futbolçunun çarpaz bağlarında qopma olduğu müəyyənləşib. Artıq Ryudigerin adı yığma komandanın iştirak ərizəsinə daxil edilib. Baş məşqçi Yoahim Löv onun əvəzinə "Bayer"dən Conatan Tanı milliyə çağırıb.
Qeyd edək ki, Almaniya Avropa çempionatının C qrupunda Polşa, Ukrayna və Şimali İrlandiya yığmaları ilə mübarizə aparacaq.
