Portuqaliya yığmasının futbolçusu Kriştianu Ronaldu Estoniya ilə yoldaşlıq görüşü haqda danışıb. Sportnet.az-ın məlumatına görə, Ronaldu 7:0 qələbənin heç nəyi sübut etmədiyini söyləyib.
O, oyunu belə şərh edib: "Yaxşı oyun oldu, komanda özünü nümayiş etdirdi və 7 qol vurdu. Bu münasibətlə təbrik etmək olar. Ancaq bu qələbə heç nəyi sübut etmir. Çünki bu bir yoldaşlıq görüşü idi. Fiziki baxımdan yaxşı hazırlaşmışıq. Eyforiyaya qapılmaq lazım deyil. Həmişə klubda və yığmada oyuna çıxmaq üçün motivasiya oluram".
