Türkiyənin "Fənərbağça" klubunun transfer etmək istədiyi danimarkalı Daniel Agger futbolçu karyerasını başa vurduğunu açıqlayıb. Sportnet.az-ın məlumatına görə, 31 yaşlı müdafiəçi qərarını sosial şəbəkə vasitəsilə açıqlayıb.
"Getmək üzücüdür, amma doğru qərar vermişəm. Karyeramla qürur duyuram" - deyə, Agger bildirib.
Futbolçunun zədələrlə bağlı belə qərar verdiyi iddia olunur.
Qeyd edək ki, Agger karyerası ərzində Danimarkanın "Brondbo" və İngiltərənin "Liverpul" klublarının formasını geyinib.
