Avropa Liqasında "Kəpəz"in rəqibi olan "Daçiya" bu gün yoxlama oyunu keçirib. Sportnet.az-ın məlumatına görə, Kişinyov təmsilçisi Moldovanın Avroliqadakı digər təmsilçisi "Zarya" ilə görüşüb.
Moldovada keçirilən matç "Daçiya"nın 1:2 hesablı məğlubiyyəti ilə nəticələnib.
Oyunda hesabı ilk hissədə "Zarya" açıb. "Daçiya" ikinci hissədə yeni futbolçusu Denis Kojanovla tarazlığı bərpa etsə də, sonradan buraxdığı qolla uduzub.
Moldova mətbuatının yazdığına görə, bu oyunda hesab böyük olmalı imiş. Komandalar çoxlu qol imkanı yaratsalar da, qapçılar bir nemçə dəfə komandalarını real qoldan xilas ediblər.
Xatırladaq ki, "Daçiya" Bakıya gələnədək son yoxlama matçını iyunun 23-də Rusiyanın "Kuban" klubu ilə keçirəcək.
