Almaniya yığmasının baş məşqçisi Yoahim Löv Avropa çempionatının finalı haqda fikirlərini bildirib. Sportnet.az-ın məlumatına görə, Löv Fransa yığmasını daha üstün sayıb.
Onun fikrincə, ev sahibləri Portuqaliyaya kubok qazanmaq imkanı verməyəcək: "Düşünürəm ki, Fransa finalda Portuqaliyanı məğlub edəcək. Portuqaliya favorit olmaları üçün lazımı səviyyədə deyil. Fransa bizimlə oyunda daha yaxşı oynadı".
Qeyd edək ki, Avropa çempionatının finalında Fransa və Portuqaliya yımaları qarşılaşacaq. Oyun iyulun 10-da keçiriləcək.
