Azərbaycan Premyer Liqasının II turunda Gəncə şəhər stadionunda AZAL-ı qəbul edəcək "Kəpəz” qarşıdakı oyunun hazırlığını başa vurub. Sportnet.az-ın məlumatına görə, matçla bağlı hazırlığın əsas hissəsini Bakıda keçirən "sarı-göylər” son məşqə Gəncədə çıxıb.
Görüşün keçiriləcəyi arenada reallaşan məşq prosesi saat 17:00-da başlayıb və təxminən 50 dəqiqə davam edib.
Mətbuat və azarkeşlər üçün açıq olan hazırlığı 100-ə yaxın fanat izləyib.
