"Qarabağ"ın Avropa Liqasının qrup mərhələsinda ilk oyununu keçirəcəyi stadionla bağlı yekun qərarı UEFA verəcək. Sportnet.az-ın məlumatına görə, qitə futbolu qurumu bu məqsədlə xüsusi nümayəndə heyətini Bakıya göndərir.
Məhz onlar sabah, sentyabrın 15-nə təyin olunan "Qarabağ" - "Slovan" (Çexiya) qarşılaşmasının "Dalğa Arena"da keçirilib-keçirilməməsi barədə son qərarı verəcək. Mərdəkan qəsəbəsində bu stadionda avrokuboklar matçları keçirilsə də, onlar təsnifat yox, qrup mərhələsi oyunları olub.
Xatırladaq ki, Ağdam təmsilçisi Tofiq Bəhramov adına Respublika stadionunun ot örtüyündə yaranan problemlərə görə Bakı Olimpiya Stadionu və ya "Dalğa Arena" arasında seçim edir.
