"Qəbələ"nin estoniyalı futbolçusu Sergey Zenyov milli komandasının heyətində fərqlənib. Sportnet.az-ın məlumatına görə, 27 yaşlı hücumçu Malta yığması ilə az öncə başa çatan yoldaşlıq görüşündə 57-ci dəqiqədə hesabı açıb. Ancaq maltalılar bundan cəmi 2 dəqiqə sonra bərabərlik qolunu vura bilib. Matç elə 1:1 hesabı ilə başa çatıb.
Sergey 2008-ci ildən şərəfini qoruduğu millidə yubiley - 10-cu qoluna imza atıb. Bu, estonların 2018-ci il dünya çempionatının seçmə mərhələsində son hazırlıq matçı olub.
Xatırladaq ki, Zenyov bu yay "Qəbələ"nin heyətində Avropa Liqasında 3 qol vurub.
