"Qarabağ"ın Avropa Liqasının qrup mərhələsindəki rəqibi olan PAOK klubu heyətinə yeni hücumçu qatıb. Sportnet.az-ın məlumatına görə, Saloniki təmsilçisi "Yuventus”dan Mame Baba Tiamı cari mövsümün sonunadək icarəyə götürüb. Yunanlar "transfer pəncərəsi"nin bağlanması ərəfəsində həyata keçirilən bu keçidi rəsmən açıqlayıb.
24 yaşlı seneqallı hücumçu 2015-ci ildə "Lansiano”dan keçdiyi Turin klubunda 1 matç belə oynamadan "Zulte Varegem"ə icarəyə verilib. O, Belçika komandasının heyətində 28 oyunda 9 qola imza atıb.
Xatırladaq ki, "Qarabağ"ın PAOK-la matçları ardıcıl - qrupda III və IV turlarda olacaq.
