Azərbaycan milli komandası 24 illik tarixində 11-ci rəsmi qələbəsini qazanıb. Sportnet.az-ın məlumatına görə, bu, 2018-ci il dünya çempionatının seçmə mərhələsinin ilk oyununda San Marino yığmasına səfərdə 1:0 hesabı ilə qalib gəldiyimiz oyunda əldə olunub.
Bu, eyni zamanda mundialın seçmə mərhələrində yubiley - 5-ci qələbəmiz olub. Avropa çempionatının seçmə mərhələlərində isə bundan çox – 6 dəfə meydanı qalib tərk etmişik.
Millimiz 12-ci dəfə iştirak etdiyi seçmə mərhələlərin 2-də qələbə qazana bilməyib. Bunlardan biri Avropa, digəri dünya çempionatının tsikli olub. Seçmə mərhələdə debütündə qələbə üzünə həsrət qalan yığmamız braziliyalı Karlos Alberto Torresi baş məşqçisi olduğu vaxtda da həmin uğursuzluğu yaşayıb.
Yalnız 1 dəfə - almaniyalı Berti Foqtsun baş məşqçisi oluğu AVRO-2012-də 2 qələbəmiz olub.
11 qələbədən çoxu – 9-u evdə, 2-i səfərdə qazanılıb. Ev qələbələri adətən Tofiq Bəhramov adına Respublika stadionunda olub. Yalnız 2 dəfə paytaxtın digər stadionlarında – "Şəfa” və "Bakcell Arena”da qalib gəlmişik.
Millimizin qələbələrindən yalnız 1-i böyük hesabla əldə olunub – 4:0. Qalan hesablardan 1:0 və 2:0 hərəsi 4 dəfə olub. 2:1 və 3:2 hesablı qələbələrə 1 dəfə sevinmişik.
Millimiz qalib gəldiyi matçlarda 21 qol vurub. Qurban Qurbanov, Zaur Tağızadə, Mahir Şükürov, Vaqif Cavadov hərəyə 2 dəfə fərlqənməklə qələbədə daha çox payı olanlardır. Ən erkən və ən gec qollarımız eyni oyuna – Malta ilə matça təsadüf edib. Bu, Robert Prosineçkinin debütü qələbə ilə qeyd etdiyi matçdır. Yığmamız 2:0 hesabı ilə qalib gəldiyi həmin oyunda 4-cü dəqiqədə Cavid Hüseynova hesabı açıb, 90+2-ci dəqiqədə Dmitri Nazarovda son nöqtəni qoyub.
Azərbaycan milli komandasınn rəsmi oyunlarda qələbələri
AVRO-1996-nın seçmə mərhələsi
Qələbəmiz yoxdur
DÇ-1998-in seçmə mərhələsi - 1 qələbə
31 avqust 1996-cı il
Azərbaycan – İsveçrə - 1:0
Qol: Vidadi Rzayev, 26
Bakı. Tofiq Bəhramov adına Respublika stadionu
AVRO-2000-nin seçmə mərhələsi - 1 qələbə
5 iyun 1999-cu il
Azərbaycan – Lixtenşteyn – 4:0
Qollar: Qurban Qurbanov, 16, Vyaçeslav Lıçkin, 42, Zaur Tağızadə, 60, Mirbağır İsayev, 73
Bakı. Tofiq Bəhramov adına Respublika stadionu
DÇ-2002-nin seçmə mərhələsi - 1 qələbə
6 iyun 2001-ci il
Azərbaycan – Slovakiya – 2:0
Qollar: Vadim Vasilyev, 26, Zaur Tağızadə, 55
Bakı. Tofiq Bəhramov adına Respublika stadionu
AVRO-2004-ün seçmə mərhələsi - 1 qələbə
11 iyun 2003-cü il
Azərbaycan – Serbiya və Çernoqoriya – 2:1
Qollar: Qurban Qurbanov, 88-pen, Fərrux İsmayılov, 90
Bakı. "Şəfa” stadionu
DÇ-2006-nın seçmə mərhələsi
Qələbəmiz yoxdur
AVRO-2008-in seçmə mərhələsi - 1 qələbə
28 mart 2007-ci il
Azərbaycan – Finlandiya – 1:0
Qol: Emin İmaməliyev, 83
Bakı. Tofiq Bəhramov adına Respublika stadionu
DÇ-2010-un seçmə mərhələsi - 1 qələbə
10 oktyabr 2009-cu il
Lixtenştyen – Azərbaycan – 0:2
Qollar: Vaqif Cavadov, 55, Elvin Məmmədov, 82
Vaduts. "Reynpark” stadionu
AVRO-2012-nin seçmə mərhələsi - 2 qələbə
12 oktyabr 2010-cu il
Azərbaycan – Türkiyə - 1:0
Qol: Rəşad Sadıqov, 38
Bakı. Tofiq Bəhramov adına Respublika stadionu
6 sentyabr 2011-ci il
Azərbaycan – Qazaxıstan – 3:2
Qollar: Rauf Əliyev, 53, Mahir Şükürov, 62-pen, Vaqif Cavadov, 68
Bakı. Tofiq Bəhramov adına Respublika stadionu
DÇ-2014-ün seçmə mərhələsi - 1 qələbə
12 oktyabr 2013-cü il
Azərbaycan – Şimali İrlandiya – 2:0
Qollar: Rüfət Dadaşov, 58, Mahir Şükürov, 90
Bakı. "Bakcell Arena” stadionu
AVRO-2016-nın seçmə mərhələsi - 1 qələbə
28 mart 2015-ci il
Azərbaycan – Malta – 2:0
Qol: Cavid Hüseynov, 4, Dmitri Nazarov, 90+2
Bakı. Tofiq Bəhramov adına Respublika stadionu
DÇ-2018-in seçmə mərhələsi - 1 qələbə
4 sentyabr 2016-cı il
San Marino – Azərbaycan – 0:1
Qol: Ruslan Qurbanov, 45
Serravalle. "San Marino Stadium” stadionu
Mehman Süleymanov
Yazı AFFA yanında Media Komitəsinin dəstəyi ilə hazırlanıb
