Azərbaycan Premyer Liqasında liderlər qrupunda mübarizə gərginləşir. Sportnet.az-ın məlumatına görə, "İnter"in hücumçusu Ağabala Ramazanov da hesabına 3-cü qolu yazıb. Gənc futbolçu Azərbaycan Premyer Liqasının VII turunda "Zirə" ilə hazırda davam edən oyunun 22-ci dəqiqəsində hesabı açıb.
Bununla da Ramazanov qol sayında komanda yoldaşları Rauf Əliyevlə Ruslan Abışova çatıb. Hər 3 futbolçu bombardirlər yarışında 3-cü pilləyə şərikdir.
Ağabalanın bundan öncə "Sumqayıt" və AZAL-la səfər oyunlarında fərqləndiyini nzəərə alsaq, cari mövsümdən şərəfini qoruduğu "İnter"də ilk dəfə ev oyununda - "İnter Arena"da fərqlənib. "Bankirlər"dən cari çempioinatda digər fərlqənən kapitan Nizami Hacıyev, braziliyalı Denis Silva və rumıniyalı Adrian Skarlatakedir.
Xatırladaq ki, Premyer Liqada bombardilər siyahısında "Qəbələ"nin fransalı hücumçusu Baqali Dabo vurduğu 6 qolla liderdir. Onun ən yaxın izləyicisi hesabında 4 qol olan "Qarabağ"ın braziliyalı hücumçusu Reynaldo Silvadır.
