"Neftçi" yeni baş məşqçisi Elxan Abdullayevin rəhbərliyi altında ilk qələbəsini qazanıb. Sportnet.az-ın məlumatına görə, bu, Premyer Liqanın VII turunda "Kəpəz üzərində 2:0 hesabı ilə əldə olunub. 46 yaşlı Abdullayev ilk qələbəsini 3-cü oyununda qazanıb. Bundan öncə "İnter" və "Sumqayıt"la matçlarda 162 hesablı məğlubiyyətlər qeydə alınmışdı.
Paytaxt təmsilçisi cari çempionata avqustun 6-da səfərdə AZAL üzərində də 2:0 hesablı qələbə ilə başlamışdı. Növbəti qələbəni 56 gün gözləmək lazım gəldi. Maraqlıdır ki, "Neftçi" evdə sonuncu qələbəsini də rəqiblərini qəbul etdiyi "Əlincə Arena"da qazanmışdı. Bu, ötən mövsüm son ev matçında - mayın 15-də "İnter" üzərində 4:2 hesabbı ilə qalib gəldiyi matçda olmuşdu.
Xatlrladaq ki, bundan öncə son olaraq AZAL klubunda çalışmış Abdullayev 5 illik fasilədən sonra çempionatda ilk qələbəyə sevinib.
