"Qəbələ" ilə "Qarabağ" arasında matçlar həmiçə maraqlı, dostsluq çərçivəsində olub. İnanıram ki, bu gün də belə olacaq. Biz 1-ci yerə çıxmaq istəyirik. "Qəbələ"nin isə liderliyini möhkəmləndirmək iddiası var. OLduqca maraqlı bir oyunu izləyəcəyimizə ümid edirəm".
Sportnet.az-ın məlumatına görə, bu fikirləri "Qarabağ"ın direktoru Əmrah Çəlikəl "CBC Sport"a açıqlamasında bildirib. O. matçla bağlı proqnoz vermək istəməyib: "Biz təxmin yox, ümid edirik, istəyirik ki, bu gün qalib gələk. Ən çox istəyimiz, motivasiyamız bu yöndədir. İnanırıq ki, bu istəyimizə çatacağıq".
Komandanın Avropa Liqasının qrup mərhələsində çıxışına toxunan Çəlikəl hər oyuna olduğu kimi PAOK-la qraşıdakı matça da qələbə istəyilə çıxacaqlarını söyləyib: "Bütün işlərimiz buna uyğun qurulub. Hər şey plan üzrə gedir. Avropa Liqasında son oyun bizim üçün də üzücü oldu. Ancaq matçdan çox, oyundankənar amillər bu məğluiyyəti almağımızda rol oynadı. Təbii ki, çatışmazlıqlarımız var və məşqçilər korpusu bunu dəyərləndirərək lazımı tədbirləri görəcək. Hədəfimiz qrupdan çıxmaqdırsa, Yunanıstandan ən azı xalla dönməyə çalışacağıq".
Çəlikəlin sözlərinə görə, "Qarabağ transfer məsələlərini baş məşqçi Qurban Qurbanovun öhdəsinə buraxıb: "Bunun həm məsuliyyəti, həm də səlahiyyəti Qurban müəllimdədir. Biz ona çox güvənirik və dəstəkləyirik. Bizim azarkeş, rəhbərlik olaraq istəyimiz ola bilər. Ancaq əskiklərimizi hamıdan yaxşı Qurbanov bilir. İnanıram ki, bu dəfə qrupdan çıxmaq istəyimiz alınar. Biz də qrupda bunun üçün oynayırıq, mübarizə aparırıq. Çox istəyirik ki, azarkeşlərimizi sevindirək".
