Türkiyənin "Fənərbağça" klubunun futbolçusu Martin Şkrtel əməliyyat olunub. Sportnet.az-ın məlumatına görə, müdafiəçinin bıçaq altına uzanmasına onun burnunun sınmasına səbəb olub.
Klub həkimi Burak Kunduracıoğlu slovakiyalı futbolçunun vəziyyətinin yaxşı olduğunu bildirib.
Qeyd edək ki, sentyabrın 29-da Avropa Liqasının A qrupunda Hollandiyanın "Feyenoord" klubu ilə ev qarşılaşmasında Martin Şkrtelin burnu sınıb. O, komanda həkimlərinin də razılığı ilə ölkə çempionatının VI turunda səfərdə "Osmanlıspor"la görüşə maska ilə çıxıb.
