Azərbaycan millisinin üzvü Eddi İsrafilov çıxış etdiyi "Kadis" klubunun ölkə çempionatındakı iki oyunu buraxacaq. Sportnet.az-ın məlumatına görə, buna səbəb futbolçunun DÇ-2018-in seçmə qrup mərhələsində Norveç və Çexiya ilə qarşılaşacaq milliyə dəvət almasıdır.
O, oktyabrın 9-da İspaniya 2-ci liqasının IX turunda "Jirona" ilə ev oyununda olmayacaq. Üstəlik İsrafilov ayın 12-də İspaniya kubokunda keçiriləcək "Kordoba"ya qarşı da çıxış edə bilməyəcək.
Qeyd edək ki, Azərbaycan millisi oktyabrın 8-də Bakıda Norveçlə, 3 gün sonra isə səfərdə Çexiya ilə qarşılaşacaq.
