Lionel Messinin son vaxtlar tez-tez zədələnməsi kapitanı olduğu Argentina millisində narazılığa səbəb olub. Sportnet.az-ın məlumatına görə, yığmadakılar hücumçunun zədələnməsində daha çox özünün günahkar olduğunu sayırlar.
Belə ki, Argentina milli komandasının katibi Xorxe Miadoski "Barselona"nın futbolçusunun səhhəti ilə bağlı risk olduğu halda meydana çıxmaqla ehtiyatsız hərəkət etdiyini qeyd edib. Nəticədə "Atetiko" ilə 1:1 hesabı ilə nəticələnən çempionat matçında xəsarət alan Messi millisinə cari seçmə mərhələdə qarşıdakı oyunlarda kömək edə bilməyəcək: "Messi özü elə də ehtiyatlı deyil. Çünki daim oynamaq istəyir. Yığma və klub birgə onun qayğısına qalmalıdır. Lionel yaxın vaxtda yaşıl meydana qayıdacaq. Ümid edirik ki, o, Braziliya və Kolumbiya ilə matçlarda iştirak edəcək".
