AFFA-nın nintizam Komitəsi Azərbaycan I Divizionunda çıxış edən "Göyəzən" klubunun futbolçusu Asim Babazadəni 4 oyunluq cəzalandırıb. Sportnet.az-ın məlumatına görə, buna səbəb futbolçunun VI turda "Şərurspor"la səfər oyununda hakimi təhqir etdiyi üçün birbaşa qırmızı vərəqə alaraq oyundan qovulmasıdır.
Nəticədə klub 320 manat cərimələnib.
"Turan-Tovuz" - "Səbail" matçında qonaqların 5, "Şahdağ" - "Qaradağ Lökbatan" oyununda isə meydan sahiblərinin 4 futbolçusu sarı vərəqə aldığı üçün hər iki klub 80 manat ziyana düşüb.
Üstəlik "Şəmkir" - "Bakılı" matçının 89-cu dəqiqəsində qonaqların futbolçusu Vüsal Nağıyev ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 20 manat cərimə olunub.
