Azərbaycan millisinin futbolçusu Ramil Şeydayev klubu ilə məşqlərə qoşulub. Sportnet.az-ın məlumatına görə, gənc hücumçu "Trabzonspor"un heyətində Türkiyə Super Liqasının VII turunda "Akhisar"la keçiriləcək oyuna hazırlaşır.
20 yaşlı futbolçu millinin düşərgəsindən zədəsiz qayıdıb.
Sabah Trabzonda baş tutacaq görüşdə Şeydayevin heyətdə yer alacağı gözlənilir. Buna səbəb komandanın hücumçuları Suk və Muhammet Demirin geridə qalan turlarda fərqlənə bilməməsidir.
Qeyd edək ki, "Trabzonspor" - "Akhisar" matçı Bakı vaxtı ilə saat 20:00-da başlayacaq.
