Dünyanın ən yaxşı məşqçilərindən olan Joze Mourinyo heç vaxt Azərbaycan milli komandasının baş məşqçi postuna namizəd olmayıb. Sportnet.az-ın məumatına görə, bunu AFFA-nın baş katibi Elxan Məmmədov "Xəzər TV"də yayımlanan "Futbol saatı" verilişində qonaq olarkən açıqlayıb.
O, cari mövsümdən İngiltərə "Mançester Yunayted"inin baş məşqçisi olan 53 yaşlı portuqaliyalı mütəxəssis üçün millimizdə iş variantının olmadığını bildirib: "2008-ci ildə Berti Foqtsu təyin etdiyimiz vaxt siyahıda 25-dək namizəd var idi. Ancaq onlar arasında Mourinyo olmayıb. Mətbuat onun namizədliyindən yazsa da, bu tanınmış mütəxəssis heç vaxt Azərbaycan millinin baş məşqçi postuna namizədlər sırasında yer almayıb. Namizədlərin adlarını açıqlamaq istəməzdim. Çox namizəd olub və onlar həmişə adlarının məxfi olmasını istyəyiblər. Gəlin, bunu qoruyaq".
